Mi Namä isch Anita Neuenschwander
Z hingersch im Ämmitau bini geborä, besser gsiit im Schangnou.
Ir viertä Klass isch für mi klar gsi, dass ig Coiffeuse wot wärdä.
Muätti u Päppu hi geng gsiit das higmä igätläch scho mit drü jährig gmerkt, äs heig chum iis ä Bsuäch gäh vom Grossungglä wo ig nid ufä Eggbank graagät bi u ihm ha d Frisur grichtät.
Speter hi du d'Bäbi, woni nümm mitnä gspiut ha, müäss dra gluubä aber nid mit churz gschnittnigä Haar wiu da hani gaar nid gwüsst wimä das macht da ig geng bim Coiffeur bi iigschlaffä.
D'Lehr hani z Lyssach gmacht ungerde Fitichä vom Bestä Coiffeur wos zänt umä git.
Ihm verdankäni aues woni cha u no viiu meh. A derä steu dankä Rolf.
Mi letschdi Station isch z Langnou gsii, über 10 Jahr bini im glichä Betriib tätig gsi u ha mit viu Liidäschaft mi Bruäf dörf usläbä.
U iz? Ja iz bini hiä u wirdä au mis Härzbluät i mis iigätä Gschäft i mini Chundschaft u mini Trüüm steckä.